الله معك يارئيسا مرسي

الله معك يارئيسا مرسي 


وَاخدْها خرْبانة ... مِـدَّمـرة بـزلـزال

وَاخدْها مديونة ... مـنهوبة الامـوال

وَاخدْها محجوزة ... لـشلة أبو جمال

وَاخدْها مجروحة ... الـدم منها سال

إعلامها تابع لهم ... وكان لهم طبَّال

وِلَحَّسين نعْلِهُم ... دلوقْتى بقو أبطال

ومعارضة بتخالف .. ع الفاضى والمليان

لو قال ف مرة يمين .. لازم يقولو شمـال

بيحاربو ليه مرسى.. مع إنه شاف أهوال

ولا عمره خان بلدى ولا عمره كان نشَّال

والحمـل يابا تقيـل ... الحمـل يابا جـبـال

والله ما هو تبريـر ... والله ما هو خيال

ومرسى مهما يشيل هيعمل ايه .. يارجال

لازم نـشيـل ويـاه ... لإيمَّـا نبقـى عــيـال

فين الضمير يابا ؟؟ ... غرقنا ف الاهمال

*** الكل لازم يكون ... بذمته شغال ***

..........................................

وانت ياريسنا ..عاوزين نشوف أفعال

لازم تتطهرها ... تنخلها بالـغـربـال

لازم تحاسب ناس سياستهم الاهمال

لازم تعاقب ناس منهجهم اسـتهبـال


يارب يامتعال ... نجينا م الاهمال

يارب يامتعال ... اصلح لنا الاحوال

يارب يامتعال ....انصر الاخوان 


الحمد لله على نعمة الاسلام

منشورة في: مقالات اسلامية